聽了楊千嬅十年，但是聽畢這專輯，比《Meridian》更不濟。

從《狼來了》和《愛人》走來，到《最後的歌》以及《一千零一個》，楊千嬅都是那麼令我覺得她在唱出我的故事。手機中，還是華星和新藝寶的歌最多。老早已經對AMusic失望的時候，一隻《Wonder Miriam》真的有起來之勢，當我期待到最高點時，突然殺出《原來過得很快樂》，真是死心了。

容祖兒這年的《A Time For Us》和《很忙》斷截禾蟲拼拼湊湊的大碟疲態已現的時候，大家都認為楊千嬅或者謝安琪都可以簡簡單單plug首靚歌就打完這場女歌手大戰。豈料和AMusic最後一張大碟竟然不濟到如此地步。當年新藝寶的《Make Up》和金牌《Unlimited》都是跳槽佳作，豈料《原來過得很快樂》會打破紀錄，唉。

其實一看歌表，已經心知不妙：兩年前的倉底貨《All about love》竟然可以翻炒兩首。怎料不plug的《藍風箏》、《對木偶唱歌》和《孖公仔》竟然可以唱到咁濫情，咁唔似楊千嬅之餘，又唔係唱得好，你同我講係突破？即係楊千嬅唱stephy同twins既歌都係突破？你心中既楊千嬅唔係咁低level呀？我心中的楊千嬅唔係咁低囉唔該。

還有，《你幸褔嗎》真的「驚喜」無限，楊千嬅唱少女情懷已經在《Meridian》行不通的了，今次仲要扮粉紅心跳無知少女上身唱少女情歌，呢d歌交畀江若林唱都嫌大，大佬啊你唔好嚇我呢d資深fans啦，點解你既專長唔見晒，我d《再見二丁目》、《可惜我是水瓶座》去晒邊呀？你豐富的感情聲線，先係你最殺食既部分呀，唔該！

或者我同楊千嬅都年時已高，我唔大貪，只求楊千嬅大碟有《Make Up》的質素就得。楊千嬅，下一隻，如果你做得好的話，這三年的大碟，我會當作時運高見唔到。因為，我對你還有一點希望。

推介：《我在橋上看風景》、《麥芽糖》

188再加一做到八月底就完架喇，幾抵~~唔錯~~~當然唔能夠同一般Buffet比較，但個價格同咁多甜品真係幾好ga~~~~

第一次試Shangri-La宵夜Buffet~頭盤唔錯

比食開的少左d熱盤~~但多左shooter、BBQ、小食呢d野

甜品…Tiramisu都係咁正，大家試過都係咁話，其他就佢地話幾好，但我都係覺得OK la....可能對我黎講太甜喇~~hahhhhaa~

小食多左，幾有驚喜~慢煮salmon真係幾好味~~~

好失望啊Tiramisu都係Kowloon Shangri-La好味好多，但熱食真係比Kowloon好好多~

估唔到燒鵝幾好味，幾驚喜~

裝修好Grand~gd~!

甜品架九龍得兩面，呢邊有四面…

海鮮架，唔好意思，我一向對西式白烚海鮮真係冇興趣…

東南亞區域~同Kowloon差唔多~米線係都去譚仔食啦~

西餐及中餐~燒鵝估唔到呢度整得咁好食，驚喜~燒牛肉都係Buffet King gd D~

甜品~puff唔錯，不過甜左少少~Choco Cake好creamy，但我唔敢食咁多~Tiramisu驚喜越大失望越大~呢度既真係唔合格

下個月頭又會去Kowloon Shangri-La 宵夜buffet~睇黎又肥死了~~~

香港人就是這樣了，見別人發達就搬字過紙。以前旺角賣珍珠奶茶，今日就大腸米線鹽酥雞，但大家也跟住潮流走，人賣什麼你吃什麼。看見人家出了《低能》，我又出本《O嘴》。似足先達日日新款的山寨機，今日你出Sony Ericsson，明天就來部Sunny Ericcon來對打。在講求創意行頭的行業裡面，竟然自堀墳墓，山寨出招，自抬身價，真係救命。

我從來不敢叫自己做Designer，或者我應該承認我對project的確是有一種傲骨在，原因是職業用來餬口，但freelance只因興趣而做，沒有亦死不了，最多不就是買衫不去playlord去HM和Cotton On而已。對我來說，project好不好玩，客人友不友善，這才是我的重點。去了解別人生活，分享別人的喜悅，才是做freelance的原動力。

至於出山寨書，抱歉了，請我寫散文談風月求之不得，但畫四格漫畫，或者是扮低能扮搞笑我真的未懂，也無謂獻醜。林語堂把中國人一向不懂的humour翻譯成幽默，因此我常常自嘲說，我畫有殼無魂的商業作品還可以，但要我說笑話，玩英式幽默還可以，美式？我識笑，但唔識講。如果你懂這個笑話，大概你會笑吧。

事緣係咁，前日同班朋友去唱K，咁就朋友話去Neway咪去Neway囉，雖然我對Neway真係冇乜好感，因為有幾次唱完Neway都試過腸胃炎，再加上真係冇乜新歌唱，咁但係都算喇，最多咪食少d或者唔食囉，費事又要睇醫生啦。

咁之前Neway咁大隻字話全線全單6折，去到發現大埔廣場Neway寫住全單7折，咁咩叫全線呢?算，幾蚊雞我絕對唔自在，亦都唔會為o個幾蚊出去旺角，咁我咪好奇咁問下個reception，點解唔係全單6折咁啦。

即係你話我知，話公司優惠做完等等各種理由我仍可接受，但係個reception竟然話呢度獨市生意呀嘛，想平大可以出旺角云云，大埔冇其他公司爭係咁架喇。係咪即係想講句：唔鍾意黎大埔Neway就咪黎?

嘩我地成班人真係畀佢既言論嚇親，大佬你好似唔憂做咁，真係華仔o個句：今時今日咁既服務態度係唔夠架。結果，成班人拉大隊去沙田Green Box。家陣老子係有錢都唔畀你賺呀，吹咩?

有一個新地方向大家推介一下(雖然我都未去)，但係一睇簡介就覺得好值得睇下！就係Starbucks X G.O.D 既 Starbucks冰室角落，大玩懷舊feel，仲要係全球第一間！絕對值得睇下！

地址：中環都爹利街13號樂成行地庫中層

咪住！睇完示範單位，梗要睇真野啦！一齊行去上環既海安咖啡室度感受一下真正七十年代香港冰室啦！

其實有一次去見實習既時候經過呢度，覺得絕對係一個最後回憶！叫左個鮮油多同奶茶，真係好好味呀！之後帶過exchange 既同學再黎一次感受香港冰室都大讚好正！

(image from openrice)

地址：上環干諾道西17號(港澳碼頭對出)

個甜品架大到幾恐佈!

勁大!中西日歐馬泰印都有!!!!

great爆的海鮮

除左triamisu之外，其他都好一般

近日心情真的down到不得了，常常羨慕女生們可以一齊去旅行，而自己呢?先撇開除了上班足不出戶整天宅在家中打機砌模型看動漫的老哥，以及一班有齊家眷自己無謂做電燈膽的中學同學，剩下的或許已經去了我想去的地方，又或者真的自己連旅費也不夠付的。

我是一個絕對不能接受一個人旅行的人。對我來說，旅行是一種過程的享受，去哪裡參觀什麼吃得好不好絕對不是一個重點，重點是在於旅程之中的交流和體驗：一起分享在阿里山看到日出的感動，穿梭在京都日式古玩的世界，嘗試北海道的薰衣草雪糕…。然而，除非閣下精神分裂，否則這是一個人根本做不到的。

一個人的旅行，叫流浪。的確，有些在我心目中人生要去一次的地方，我相信大家聽了也不想去：南北極、北韓、神山和非洲草原，這就是必要流浪不可的。流浪是一種重新定義自我心靈的一種出發，流浪高尚的地方，是在於可以利用一個局外人的心態去看世界——因為你本身的存在，就不屬於這個世界。在南極，你只想到的是人類對地球的過度取耗；在北韓，你看到的是一班純樸但又愚昧的人民；在神山，你看到的是造物主的壯大；在草原，你看到的是物競天擇，適者生存的硬這理——用一對冷眼再次審視這一個世界，以及存在的意義。

無他，因為飛左去大阪玩左五日。第一次去大阪感覺唔錯，雖然面對H1N1，但係真係好好玩！

搭飛機真係唔好得罪空姐，點解咁講？朋友屋企人做某一間航空公司(唔係國泰)，佢唔講我真係唔知，睇起上黎間野又出名又服務又專業，但可能咁既關係，空姐既心理變態指數真係佢都估唔到。

對付呢d乘客最好方法當然係o係飲品/食物度加料，一黎食左有咩事都係落左機先算，二黎陣味蓋得住加料既野(飛機濕度低，所以你既味覺同嗅覺冇咁strong)，你估佢地落乜?口水?你真係out左喇 ，呢d野真係小朋友先做，係落一d差唔多每個女人都會帶出街既野：化妝品，聽到真係眼都突 。

究竟係點用既呢？呢個真係一個好問題：通常hand cream係搽落d三文治度既；而洗甲水係用黎落飲品，因為無色同埋果汁味蓋得住味。我問：d客食唔出架咩?佢話呢個秘聞其實都已經好耐，到依家都未有人投訴喎。

不過佢都補充，話呢d都係佢地對d唔禮貌又要求多多既客先會咁姐，咁如果大家互相專重，呢d野根本就唔會發生o係你身上。如果你o係飛機上畀人加料的話，咁你好應該反省下喇，人地三唔識七都要跣你一獲，抵死啦。

到Lunch都未整好，d外賣仔真係好醒水，一知冇升降機就乜都唔送上黎，結果放工先落去買個包食…好慘喔

今日去左台灣夜市節，超正，好多夜市小食好好味呀，病左都為食食左擔仔麵，米粉湯，牛肉麵，台灣腸，蝦捲(好好食啊)同埋杏仁豆腐芒果冰(真係好香好正)，而且仲係八十蚊入場任食，不過都最後一日，正呀，下年都黎

芒果冰，真係好好食呀

你可能會話20個要排，但我星期五晚o係大埔分店真係水靜鵝飛(經濟真係差成咁?)，大概七點左右入座都仲有得叫，Waiter話星期六日就會多人d要早d黎。

我地兩個人去，所以就叫左一客天使麵同Pizza，我覺得水準唔錯，Pizza夠脆口，但我嫌鹹左少少，麵都OK，炒得幾香同好食，夾埋就幾好。

不過最抵食係，兩個人只係$54埋單，即係一人都係$27，咁既質素真係好超值，佢唔似人地d一蚊價咁正價加一，所以幾著數!

今次有好野介紹畀大家，呢一個簡直係全球優質發明，我成日覺得貼心發明係日本人專利，點知今次畀美國佬贏晒！之前香港冇幾耐先有得賣，結果斷晒市，依家百佳先有貨返！

冇錯，就係阿蘇都介紹人用既Tide to go喇！

話晒第一次用Tide to go係有次同班Friend去食肯得雞，點芝士醬時一個唔留神將成pitt芝士醬撻落件淺色恤衫度。但有個Friend突然拎左枝橙色筆出黎，話可以搞點佢，用完真係芝士漬真係淡左，從此之後一試就做左Fans!

搵左好多間都冇貨，諗住硬食Log on貴貨，點知百佳返到貨，三十蚊都唔駛可以唔駛Ne咁Hea，我覺得幾值得推介！

今次係西班牙海鮮焗飯，好好味啊

個煮飯寶幾好用！可以唔駛睇火等到佢熟，不過電飯煲都做到呢個功能

哈哈，製成品就係咁喇，真係好好味架