  |
  
|
好耐冇寫blog，講單幾好笑又幾幸災樂禍既野先。
搭飛機真係唔好得罪空姐，點解咁講？朋友屋企人做某一間航空公司(唔係國泰)，佢唔講我真係唔知，睇起上黎間野又出名又服務又專業，但可能咁既關係，空姐既心理變態指數真係佢都估唔到。
對付呢d乘客最好方法當然係o係飲品/食物度加料，一黎食左有咩事都係落左機先算，二黎陣味蓋得住加料既野(飛機濕度低，所以你既味覺同嗅覺冇咁strong)，你估佢地落乜?口水?你真係out左喇 ，呢d野真係小朋友先做，係落一d差唔多每個女人都會帶出街既野：化妝品，聽到真係眼都突 。
究竟係點用既呢？呢個真係一個好問題：通常hand cream係搽落d三文治度既；而洗甲水係用黎落飲品，因為無色同埋果汁味蓋得住味。我問：d客食唔出架咩?佢話呢個秘聞其實都已經好耐，到依家都未有人投訴喎。
不過佢都補充，話呢d都係佢地對d唔禮貌又要求多多既客先會咁姐，咁如果大家互相專重，呢d野根本就唔會發生o係你身上。如果你o係飛機上畀人加料的話，咁你好應該反省下喇，人地三唔識七都要跣你一獲，抵死啦。
尋日返工，兩部lift因為壞晒，要行十二層樓返工，真係救命
到Lunch都未整好，d外賣仔真係好醒水，一知冇升降機就乜都唔送上黎，結果放工先落去買個包食…好慘喔
今日去左台灣夜市節，超正，好多夜市小食好好味呀
，病左都為食食左擔仔麵，米粉湯，牛肉麵，台灣腸，蝦捲(好好食啊)同埋杏仁豆腐芒果冰(真係好香好正)
，而且仲係八十蚊入場任食，不過都最後一日，正呀，下年都黎
芒果冰，真係好好食呀
行到樓下先知原來Shakey's Pizza做緊$1 Pizza優惠！凡二人惠顧就可以用$1叫一個Pizza，每檯限叫一個，六點鐘開始每晚限額20個。
你可能會話20個要排，但我星期五晚o係大埔分店真係水靜鵝飛(經濟真係差成咁?)，大概七點左右入座都仲有得叫，Waiter話星期六日就會多人d要早d黎。
我地兩個人去，所以就叫左一客天使麵同Pizza，我覺得水準唔錯，Pizza夠脆口，但我嫌鹹左少少，麵都OK，炒得幾香同好食，夾埋就幾好。
不過最抵食係，兩個人只係$54埋單，即係一人都係$27，咁既質素真係好超值，佢唔似人地d一蚊價咁正價加一，所以幾著數!
大劑，真係好耐冇update到個blog添！
今次有好野介紹畀大家，呢一個簡直係全球優質發明，我成日覺得貼心發明係日本人專利，點知今次畀美國佬贏晒！之前香港冇幾耐先有得賣，結果斷晒市，依家百佳先有貨返
！
冇錯，就係阿蘇都介紹人用既Tide to go喇！
話晒第一次用Tide to go係有次同班Friend去食肯得雞，點芝士醬時一個唔留神將成pitt芝士醬撻落件淺色恤衫度
。但有個Friend突然拎左枝橙色筆出黎，話可以搞點佢，用完真係芝士漬真係淡左，從此之後一試就做左Fans
!
搵左好多間都冇貨，諗住硬食Log on貴貨，點知百佳返到貨，三十蚊都唔駛可以唔駛Ne咁Hea，我覺得幾值得推介！
自從搬返屋企之後都好少煮野，不過今日阿媽大掃除，所以今餐就係我黎煮喇
今次係西班牙海鮮焗飯，好好味啊
個煮飯寶幾好用！可以唔駛睇火等到佢熟，不過電飯煲都做到呢個功能
哈哈，製成品就係咁喇，真係好好味架
26號同同學一齊在hall煮飯仔，好好玩丫，我諗大家估唔到個蛋糕係我整架!!!
同場加映好好味的朱古力火窩，好好食呀，而且好易整！
GOOD SHOW!!!!!
好好睇呀，坐o係480區度睇！有我們的愛、Lydia、飛行部落、無限、Love*3、把愛放開等等…
但係冇我最喜歡既刺鳥、三個心願、你很愛他等等，有少少失望…
阿沁唱廣東歌「其實你心裡有沒有我」好正
唱1234567既時候阿沁過黎握手，我握到喇
仲有蕭敬騰同埋薜凱琪!!!!!!!!!有得睇到薜凱琪簡直估都估唔到
好好睇！阿飛唱live真係唔錯，好好睇呀！
你睇下我坐得幾前！
阿沁同飛呀
黎喇黎喇
兩塊既Photoshop Foamboard Demo，聽日可以去印刷廠睇Product。
自我的低能婚禮紅起既馬仔之後，好多新人好喜歡整個結婚公仔。
今次呢個job我自己覺得其實幾開心，一黎自由度幾大，二黎合作上個客有唔少意見幾有火花(佢地真係幾nice ga^o^)，例如第一次玩兩張foamboard合併可以有變成拖手既新人，對我黎講我都覺得非常好玩，希望第時多D呢一類型令人咁開心既Job啦，哈哈！
記得純粹一次機緣巧合下接了第一次繪圖Job，結果開始Freelance+讀書生涯的我，終於開了一個新Blog在Sina了！
